Po c'mincî, dji sondje à vos-ôtes tortos qu'è-st-oblîdji di d'mèrer è vosse maujone, insi qu'à tos lès cias qu' sont dins lès-ospitaus oudobin dins lès maujones po vîyès djins. Èt tot sondjant à m' vî pa qu'a 92 ans, avou branmint, i m' faut dîre èt r'dîre qu'i-gn-a qu'one seûle maniére d'è sôrti, c'èst di d'mèrer rèssèré, di n' moussî foû qui quand i l' faut bin, èt d' rèspecter lès régues qui nos gouvèrnemints ont mètu su pîds. Pace qu'autrumint, come è l'Italîye, nos sèrin.n' bin maû attèlé.
Li Coronavirus nos fé intrer è quarantin.n', one miète come on vike on timps d' cwarème. Nos fians one taudje dins one vîye bin sovint cochoyûwe, èwou ç' qui nos faut todi aler pus rade, èt couru pa tos costés po fé one masse d'afaîre. Asteûre, ci n'est pus possibe, pace qu'on virus vint tot comachî.
Nos vikans au timps di totès novèlès tècniques, avou l'ôrdinateûr, avou l' GSM, Facebook, èt dji n't'-ti sé trop qwè. Èt c'èst fwârt bin, savoz! Nos plans insi nos-è sièrvu au mia po r'trover on parint, on soçon. C'è-st-on timps èto, èwou ç' qui po sognî lès djins on-z-a fé dès progrès, jamaîs parèy! Portant, nos vèyans bin qu' nosse soce bat l' bèrloque, rin qu'avou on virus qui nos vint d' Chine. C'èst poqwè i nos faut d'mèrer tot simpe divant ç' maladîye-là. Èt n' nin nos crwêre pus catolique qui l' pape. Non.na ! Pace qui nos n'èstans nin fwârt vayants divant one téle pèsse!
Su RCF, maurdi passé, dj'a choûté Véronique Margron, one machère soeûr qu' à l' dâr di nos fé aler one miète pus long qui tot ç' qu'on nos raconte su lès gazètes ou à l' tèlèvusion. Èle dijeûve: ''Ci timps-ci nos oblidjerè, mi chone-t-i, à nos d'mander: ''Dins nosse soce, quî ç' qui nos mètans è quarantin.n'? Lès malèreûs d' Syrîye oblidjîs d' lèver l' guète, pace qui leû vile èst distrûte paus bombes? Mins dispû quinze djoûs, on n' cause pus d' zèls! Li cia qui n'èst nin come nos èt qu'on léye su l' bwârd dèl vôye? Li cia qui n' sé sûre li soce qui va todi au pus rade?...'' C'èst bin l' vrai, don, tot çà!
Adon, cès djoûs-ci, ni rovyans nin on vijin qu'èst co pus d' seûlé qu' nos ou l' cia qu'èst disbautchî. Tinans avou zèls! Come avou lès docteûrs, totes lès djins qui sognenut, dispû lès infirmiéres j'qu'aus-omes èt feumes qui r'nètîyenut lès-ospitaus. On fèl mèrci à zèls!
Si nos crwèyans, purdans do timps po priyî po tos lès malades, lès cias do Coronavirus èt tos l's-ôtes qu'ont bin dandjî d'yèsse sognî. Tot ostant qui po tos lès cis èt totes lès cènes qui n'ont nin aujîye dins l' vîye.
Ni rovyans nin, non pus, di nos veûy one miète pus voltî n-on-l'ôte.
Èt qu' tot vaye bin por vos... ÈT come li d'jeûve on vî soçon, èt si tot vos va bin, seûlemint si tot vos va bin, dji payerè l' médecin èt co l' farmacyin!
Abbé Bernard Van Vynckt


La traduction
Au temps du Coronavirus...
Pour commencer, je pense à vous qu'êtes obligés de rester chez vous, ainsi qu'à tous ceux qui sont dans les hôpitaux ou les maisons de retraite. Et pensant à mon vieux papa qu'à 92 ans, avec beaucoup, il me faut dire et redire qu'il n'y a qu'une seule manière de s'en sortir: rester renfermé, ne sortir que quand il le faut et respecter les règles décidées par nos gouvernements. Parce qu'autrement, nous serions aussi mal embarqués qu'en Italie.
Le Coronavirus nous fait entrer en quarantaine, un peu comme on vit un carême. Nous faisons une pause dans une vie bien bousculée; une vie qui nous demande de toujours aller plus vite et de courir de tous côtés pour faire une masse d'affaires (pour reprendre la belle formule wallonne). Aujourd'hui, ce n'est plus possible, parce qu'un simple virus est venu tout bousculer.
Nous vivons à l'aire de nombreuses techniques nouvelles, avec l'ordinateur, le GSM, Facebook, et tant d'autres. Et c'est tant mieux! Nous pouvons ainsi nous en servir pour retrouver un parent, un ami. Nous vivons aussi au temps de progrès médicaux, comme jamais auparavant. Pourtant, nous voyons bien que notre société est toute perdue, rien qu'à cause d'un virus venu de Chine. C'est la raison pour laquelle il nous faut être humble devant cette maladie. Ne pas nous ''croire plus catholique que le pape'', parce que nous sommes bien fragiles face à une telle ''peste''!
Sur RCF, mardi 17 mars, j'ai écouté Véronique Margon, une religieuse qui nous fait toujours aller un peu plus loin que ce que nous raconte les journaux ou la télévision. Elle disait: ''Ce temps imposé nous obligera à nous interroger. Dans nos sociétés, qui mettons-nous en quarantaine? Les malheureux Syriens, obligés de fuir parce que leur ville est détruite par les bombes? Mais depuis quinze jours, on ne parle plus d'eux. Celui qui nous est différent et qu'on laisse sur le bord du chemin? Celui qui ne sait plus suivre dans une société qui va toujours plus vite?''
C'est bien vrai ce qu'elle nous révèle.
Alors, ces jours-ci, n'oublions pas un voisin qui est plus seul encore que nous. Ou celui qui est désespéré. Soyons solidaires! Comme avec les docteurs, tout le personnel soignant, depuis les infirmières jusqu'aux hommes et aux femmes qui nettoient les hôpitaux. Un tout grand merci à eux tous!
Si nous sommes croyants, prenons du temps pour prier pour tous les malades, ceux du coronavirus, et tous les autres qui demandent à être soignés. Sans oublier, en ces temps, tous ceux et celles qui éprouvent bien des difficultés dans la vie.
Et n'oublions pas, non plus, de nous aimer un peu plus les uns les autres.
Que tout aille au mieux pour vous! Et pour reprendre une formule (humoristique) d'un de mes amis, qui ajoutait à la formule précédente: ''Et si tout va bien, seulement si tout va bien, je paierai le docteur et encore le pharmacien.''
Abbé Bernard Van Vynckt
Photo d'archives A.S.: La messe du lundi des Wallonie, à Namur.